PM:01:54:08/12/2024
1508 جار خوێندراوەتەوە
رێکخراوە تەندروستییەکان مۆڵەتی ٤٨ کاتژمێریان دا بە لایەنە پەیوەندیدارەکان بۆ وەڵامدانەوەی داواکارییەکانیان سەبارەت بە پێدانی مووچە و پلەبەرزکردنەوەی پیشەیی.
ئەمڕۆ یەکشەممە ٨ـی ١٢ـی ٢٠٢٤، شەماڵ ئەحمەد، ئەندامی دەستەی باڵای سەندیکای فەرمانبەرانی تەندروستی رایگەیاند، حەوت سەندیکای تەندروستی سلێمانی کۆبوونەوە و راگەیەندراوێکی هاوبەشیان بڵاوکردەوە، داوای خەرجکردنی مووچەی کۆتایی سێ مانگی ئەمساڵ دەکەن دڵنیاییان دەوێ لە دابەشکردنی مووچە لە کاتی خۆیدا لە داهاتوودا، ئەمە جگە لە یەکلاکردنەوەی ئەو پاداشت و پلەبەرزکردنەوە پیشەییانەی کە تا ئێستا خەرج نەکراون.
ئاماژەی بەوەشکرد، کارمەندانی کەرتی تەندروستی پێشبینیان دەکرد، دوای
هەڵبژاردنی پەرلەمانی کوردستان، کە دەزگاکانی یاسادانان و چاودێری رۆڵی خۆیان بگێڕن
لە بەدواداچوون بۆ مافەکانی هاووڵاتیان و فەرمانبەران، بەڵام ئەو چاوەڕوانیانە جێبەجێنەکران
و قەیرانی مووچە نوێکرایەوە.
