بارزگانێکی کۆچکردووی هندی وەسێتی کردووە، زیاتر لە ١١٨ ملیۆن دۆلار لە سەروەتەکەی بدرێتە سەگەکەی.
راتان تاتا کە بازرگان و خێرخوازێکی دیاری هندیی بوو و لە ٩ی ئەم مانگەدا کۆچی دوایی کرد، وەسێتی کردووە، بەشێکی زۆری سەروەتەکەی کە زیاترە لە ١١٨ ملیۆن دۆلار بدرێتە سەگەکەی بەناوی تیتۆ.
راتان وەسێتی کردووە، بەشێکی زۆری سەروەتەکەی لەنێوان
چێشتلێنەرەکەی و خزمەتکارەکەی و سەگەکەیدا دابەشبکرێت و ئەوەی دیکەشی بدرێتە خوشك
و براکانی.
راتان تاتا لە تەمەنی ٨٦ ساڵیدا و لە ٩ی ئەم مانگەدا
کۆچی دوایی کرد، سەرۆکی کۆمەڵەی تاتا بوو کە کۆمەڵەیەکە لە باپیرە گەورەیەوە بۆی
مابووەوە و لە ساڵی ١٨٦٨ـەوە لە هندستاندا کاری پیشەسازی و بازرگانی ئۆتۆمبێل،
فڕۆکە، تەکنەلۆژیا، ماددە کیمیاییەکان، وزە، بواری پەیوەندی و خزمەتگوزاری، ئەندازیاریی،
ئوتێل، خانووبەرە،ستیل و چەک و چەندین کەرتی دیکە دەکات، لە ئێستادا لە ٨٠ وڵاتی
جیهاندا بەردەوامن لە کارەکانیان.
راتان تاتا هاوسەرگیری نەکردبوو و هیچ منداڵێکیشی نەبوو،
لە ساڵی ١٩٣٧ لە مۆمبای لەدایک بووە و هەر لە مۆمبای بەشی بارزگانی لە زانکۆی
کامبریج خوێندووە، دواتر چووەتە ئەمریکا و ئەندازیاری شارستانی خوێندووە.
سەروەتی کۆمپانیاکەی تاتا بە ١٠٦ ملیار دۆلار دەخەمڵنرێت
و تاتا لە وەسێتەکەیدا داوای کردووە، بەشێکی زۆری سەروەتەکەی بدرێتە سەگەکەی و
چێشتلێنەرەکەی و خزمەتکارەکەی، ئەوەشی دەمێنێتەوە بدرێتە خوشک و براکانی.