AM:10:55:26/10/2024
780 جار خوێندراوەتەوە
بەگوێرەی میدیا عەرەبییەکان لە ماوەی ٢٢ رۆژدا بەهۆی هێرشە ئاسمانی و زەمینییەکانی ئیسرائیلەوە لە باکووری غەززە ٨٠٠ کەس گیانیان لەدەستداوە و سەرجەم کارمەندانی نەخۆشخانەی کەمال عەدوان لەلایەن ئیسرائیلەوە دەسگیرکراون.
ئەمڕۆ شەممە، میدیا عەرەبییەکان بڵاویان کردووەتەوە، لە ماوەی ٢٢ رۆژدا بەهۆی هێرشە ئاسمانی و زەمینییەکانی ئیسرائیلەوە لە باکووری غەززە ٨٠٠ کەس گیانیان لەدەستداوە و بەهۆی ئەوەی سەرجەم کارمەندانی نەخۆشخانەی کەمال عەدوان لەلایەن ئیسرائیلەوە دەسگیرکراون ناتوانرێت هاوکاری تەندروستی پێیوست بگەیەنرێتە بریندارەکان.
باسیان لەوەش کردووە، سەرجەم کارمەندانی
نەخۆشخانەی کەمال عەدوان لەلایەن ئیسرائیلەوە دەسگیرکراون و تەنها بەڕێوەبەری
نەخۆشخانەکە و یەک پەرستاری کچ و پاککەرەوەیەک لە نەخۆشخانەکەدا ماونەتەوە و ئەوەش
کاریگەری خراپی لەسەر دۆخی تەندروستی بریندارەکان
دروست کردووە.
ئەوەش لە کاتێکدایە، جگە لە ئاگری جەنگ و
بۆردوومانەکان نەبوونی هاوکاری مرۆیی و تەندروستی بووتە کێشەیەکی دیکە بۆ فەڵەستینییەکان
و نەخۆشی پێست لەناو منداڵاندا بڵاوبووەتەوە و هۆشداری توند دەدرێت لەبارەی
تەندروستی ئاوارەکانەوە.
