میدیاکانی جیهان بڵاویان کردووەتەوە دەوڵەمەندترین پیاوی جیهان لە ماوەی دوو هەفتەکە ٤٤ ملیۆن دۆلاری بەخشیوەتە کەمپینی بانگەشەی کاندیدی کۆمارییەکان بۆ سەرۆکایەتی ئەمریکا.
میدیاکانی جیهان بڵاویان کردووەتەوە دەوڵەمەندترین پیاوی جیهان لە ماوەی دوو هەفتەکە ٤٤ ملیۆن دۆلاری بەخشیوەتە کەمپینی بانگەشەی کاندیدی کۆمارییەکان بۆ سەرۆکایەتی ئەمریکا و لە سێ مانفا ٧٥ ملیۆن دۆلاری بۆ بانگەشەی ترەمپ خەرجکردووە.
هاوکات وەزارەتی دادی ئەمریکا هۆشداری داوەتە مەسک لەو
پاڵپشتییەی لە ترەمپی دەکات و هاوکاریکردنی مادی دەنگدەرانی، ئاگاداری کردووتەوە
کە بەپێی یاسا مامەڵەی لەگەڵدا بکەن، چونکە بەپێی یاسای ئەمریکا پارەدان بە
دەنگدەران تاوانە و سزای لەسەرە.
بانگەشەی هەڵبژاردنی ترەمپ بە گشتی پشت بە لایەنە
دەرەکییەکان دەبەستێت بۆ ڕاکێشانی دەنگدەران و مەسک لیژنەی کردەی سیاسی دامەزراندووە
و ڕۆڵێکی سەرەکی دەبینێت لە کێبڕکێی نزیک لە نێوان ترەمپ و ڕکابەرەکەی لە
دیموکراتەکان کە کاملا هاریس جێگری سەرۆکی ئەمریکایە.
لە ماوەی رابردووشدا ئیلۆن مەسک پاڵپشتی خۆی بۆ دۆناڵد
ترەمپ راگەیاند و باسی لەوە کرد، پاڵپشتی کاندیدی کۆمارییەکان دەکات.
خەرجکردنی ئەو بڕە پارەیە لەلایەن مەسکەوە لە کاتێکدایە،پشکەکانی کۆمپانیای تێسلای ئەمریکی بۆ بەرهەمهێنانی ئۆتۆمبێلی کارەبایی کە مەسک
خاوەندارێتی دەکات ١٢٪ زیادی کردووە و لە ئێستادا بەهای کۆمپانیاکە لە بازاڕدا ٨٠
ملیار دۆلارە.