PM:11:11:16/10/2024
24520 جار خوێندراوەتەوە
وەزارەتى دارایی هەرێم رایگەیاند سبەى خشتەى موچەى مانگی نۆ بڵاودەکرێتەوە، ئەوەش دوای ئەوەی دوو هەفتەیە بەغدا پارەی بۆ مووچەی مانگی نۆ ناردووە و پارتی و یەکێتی دەستیان بەسەردا گرتووە.
وەزارەتی دارایی هەرێم لە راگەیاندراوێکدا ئاماژەی بەوە کرد، بەغدا ١٠٩ ملیار و ٦٦٣ ملیۆن دیناری وەک تەواوکاری مووچە بۆ مانگەکانی رابردوو خستووەتە سەر هەژماری هەرێم و سبەی خشتەی مووچەی مانگی نۆ بڵاودەکەنەوە.
باسی لەوەش کردووە لە ئێستادا ٩٩٧ ملیار دیناریان بۆ دابەشکردنی
مووچەی مانگی نۆ پێویستە و شاندی هەرێم
بۆ گفتوگۆکانی لە بەغدا دەمێنێتەوە.
ئەوەش لە کاتێکدایە، دوو هەفتەیە بەغدا پارەی مووچەی مانگی نۆی ناردووە
بەڵام پارتی و یەکێتی بە ئەنقەست دەستیان بەسەردا گرتووە و دابەشی ناکەن و وەک
پێشتر ئێن ئاڕ تی بڵاوی کردەوە، دەیانەوێت دابەشکردنی مووچە بۆ کاتی دەنگدان دوابخەن.
