هەوکردنی جومگەکان کاریگەری زۆری لەسەر جوڵەی جەستە هەیە، گرنگە تیشک بخرێتە سەر ئەو خۆراکە تەندروستانەی کە یارمەتیدەرن لە رێگریکردن لەم نەخۆشییە یان کەمکردنەوەی نیشانەکانی.
لە ماڵپەڕی " Medical News Today" بڵاو کراوەتەوە، ئاماژە بە چەند خۆراکێکی گرنگ دەکات کە لە هەوکردنی جومگەکان دەتپارێزێت.
خۆراکەکان بریتین لە:
١.ماسی:
وەک ماسی سەلەمون کە رێژەیەکی بەرزی ئۆمیگا ٣ـی تێدایە، توێژینەوەکان دەریانخستووە
کە خواردنی ئۆمیگا ٣ بە بەردەوامی دەبێتە هۆی کەمکردنەوەی ئازار و هەوکردن.
٢.سپێناخ و سەوزە گەڵا تۆخەکان
دەوڵەمەندن بە دژە ئۆکسێنەر کە یارمەتی کەمکردنەوەی هەوکردن دەدات، هەروەها
کالیسیۆمیان تێدایە کە ئێسک بەهێز دەکات کە ئەمەش پێویستە بۆ ئەو کەسانەی هەوکردنی
جومگەکانیان هەیە.
٣.چەرەسات:
بڕێکی زۆر چەوری تەندروست و پرۆتین و مەگنیسیۆمی تێدایە کە کاریگەری دژە هەوکردنیان
هەیە، خواردنی بە بەردەوامی یارمەتیدەرە لە کەمکردنەوەی نیشانەکانی هەوکردنی جومگەکان
و پاراستنی تەندروستی جومگەکان.
٤.میوە ترشەکان
دژە ئۆکسانی بەهێزی تێدایە کە هەوکردن کەم دەکەنەوە و خانەکانی جەستە لە تێکچوون
دەپارێزن هەروەها یارمەتی زیادکردنی بەرهەمهێنانی کۆلاجین دەکەن.
٥.زەردەچەوە
پێکهاتەیەکی بەهێزی دژە هەوکردنە و زیادکردنی زەردەچەوە بۆ ژەمەکان، یارمەتی
کەمکردنەوەی نیشانەکانی هەوکردن دەدات و ئازاری هەوکردنی جومگەکانکەمدەکاتەوە.
٦.سیر:
سیر بە تایبەتمەندی دژە هەوکردن وباشترکردنی بەرگری جەستە ناسراوە پێکهاتەی
گۆگردی تێدایە کە یارمەتی ڕێگریکردن لە ئەنزیمەکانی هەوکردن دەدات زیادکردنی سیر بۆ
ژەمەکانت دەبێتە هۆی کەمکردنەوەی جومگەکان.