PM:12:23:08/08/2024
876 جار خوێندراوەتەوە
کۆمپانیای دانەغاز رایگەیاند، لە نیوەی یەکەمی ئەمساڵ، توانای بەرهەمهێنانی نەوتیان بە رێژەی ٣٪ زیادی کردووە و داهاتی کۆمپانیاکەیش گەیشتوەتە ١٩٠ ملیۆن دۆلار.
کۆمپانیای دانەغاز لە راگەیەندراوێکدا داهاتی شەش مانگی ئەمساڵی بڵاو کردەوە و تیایدا هاتووە، داهاتی کۆمپانیاکە گەیشتووەتە ١٩٠ ملیۆن دۆلار و ٧٢ ملیۆنی قازانج بووە، وتیشی، توانای بەرهەمهێنانی کۆمپانیاکە زیادی کردووە و گەیشتوەتە ٣٧ هەزار و ٦٠٠ بەرمیل نەوت لە رۆژێکدا.
ئاماژە بەوەش کراوە،
کۆمپانیاکە ١٥٢ ملیۆن دۆلار وەکو شایستەی نیوەی یەکەمی ساڵی ٢٠٢٤ وەردەرگرێت لە
کاتێکدا ساڵی رابردوو ١٠٦ ملیۆن دۆلاری وەرگرتووە.
باس لەوەش کراوە،
داهاتی کۆمپانیاکە لە چارەکی دووەمی نیوەی یەکەمی ئەمساڵ بەراورد بە هەمان ماوە لە
ساڵی رابردوو ٣٪ زیادی کردووە و ٣٤ ملیۆن دۆلار قازانجی هەبووە.
