ماڵپەڕی بلومبێرگ نیوزی ئەمریکی بڵاویکردەوە، سەرۆک وەزیرانی بەریتانیا ئامانجی دەستپێکردنی گفتوگۆیە لەسەر رێککەوتنی گەڕانەوەی کۆچبەرانی عێراقی بۆ وڵاتەکەیان، وتیشی هەر کەسێک بە نایاسایی بێتە خاکی بەریتانیا نابێت چاوەڕێی مانەوە بکات.
ئەمڕۆ سێشەممە ١٤ی کانونی دووەمی ٢٠٢٤، ماڵپەڕی بلومبێرگ نیوزی ئەمریکی رایگەیاند، کیر ستارمەر سەرۆک وەزیرانی بەریتانیا ئامانجی دەستپێکردنی گفتوگۆیە لەسەر رێککەوتنی گەڕانەوەی کۆچبەرانی عێراقی بۆ وڵاتەکەیان، لە داونینگ ستریت پێشوازی لە محەمەد شیاع سودانی سەرۆک وەزیرانی عێراق دەکات.
ستارمەر لە بەیاننامەیەکدا
پێش سەردانەکەی سودانی رایگەیاندووە، رێککەوتنەکە "یارمەتی هەڵوەشاندنەوەی بازرگانیکردن
و قاچاخچێتی خەڵک دەدات، بە ناردنی پەیامێکی ڕوون کە ئەگەر بە نایاسایی بێیتە ئێرە،
ناتوانیت لە وڵاتی بەریتانیا بمێنیتەوە".
نزیکەی ١٦ هەزار
و ٤٩٩ عێراقی لە نێوان مانگی یەکی ساڵی ٢٠٢٠ تا ئەیلولی ٢٠٢٥ بە بەلەمی بچووکەوە گەیشتوونەتە
بەریتانیا و بەسەر کەناڵی ئینگلیزیدا گەیشتوونەتە بەریتانیا، کە دەکاتە ٪١٢ی سەرجەم
کۆچبەران لەو ماوەیەدا.
لە ساڵی ٢٠٢٣
عێراقییەکان پێنجەم زۆرترین رەگەزنامە بوون کە بە بەلەم لە فەرەنساوە هاتبوون، هەروەها
لە شەش مانگی یەکەمی ساڵی ٢٠٢٤دا لە حەوتەمدا هاتبوون.
دانوستانەکانی
ڕۆژی سێشەممە لەسەر ئەو ڕێککەوتنانە بنیات دەنرێت کە ئیڤێت کوپەر وەزیری ناوخۆی بەریتانیا
لە سەردانەکەیدا بۆ عێراق لە مانگی نۆڤەمبەری رابردوودا واژۆیان کردووە، کە بەڵێنی
دارایی تایبەت بە عێراقی بەخۆیەوە بینی بۆ یارمەتیدانی عێراق لە بەرەنگاربوونەوەی
باندەکانی قاچاخچێتی خەڵک.