ئاماژەی بەوەش کرد، پردی حەلفایە رۆژهەڵاتی خەرتوومی بەحری سودان بە رۆژئاوای ئوم دەرمان دەبەستێتەوە، و ناوەندێکی گرنگی ژێرخانی ئابووری سودان بووە، بەڵام میلیشیاکانی سەر بە هێزی پشتیوانی خێرا هەوڵی تەقاندنەوەی دەدەن.

باسی لەوەش کرد، ئەو هێزە میلیشیایە ناوخۆییە هەوڵی لەناوبردنی ژێرخانی ئابووری سوودان دەدات و بۆ ئەومەبەستەش چەندین هەوڵی هاوشێوەی داوە.

لە بەرامبەریشدا وتەبێژی هێزی پشتیوانی خێرای سودان لە راگەیەندراوێکی بڵاوکردەوە و تێیدا هاتووە، ئەوان ئەو کارەیان نەکردووە بەڵکوو سوپای سودان خۆی پردەکەی تەقاندووەتەوە.

ئاماژەی بەوەش کرد، "تەقاندنەوەی پردەکە هەمان ئەو شێوازەیە کە پێشتر لە وێرانکردنی پردی شەمبات و پاڵاوگەی نەوتی ئەلجیلی کرا، هەوڵە بێهیواکانی سوپا بۆ لەناوبردنی خەزنەی جەبەل ئەلعەولیە بەردەوامە لە دژی ژێرخانی ئابووری سودان. "

ئەو پردە ماوەی ١٤ ساڵە کۆنترۆڵکراوە و لەوماوەیەشدا سوپای سودان بەشی ئومدەرمان کۆنترۆڵ دەکات و هێزی پشتیوانی خێرای سودان کۆنترۆڵی بەشی بەحری خەرتووم دەکات، بەگوێرەی نوێرین ئاماریش بەهۆی ناکۆکییە سەربازییەکانی سودانەوە ٤٩ ملیۆن کەس رووبەڕووی برسێتی و توندوتیژی بوونەتەوە و ١٣ بۆ ١٥ هەزار کەسیش گیانیان لەدەستداوە.

لە ١٤ـی نیسانی ساڵی رابردووەوە جەنگی سودان لەنێوان سوپای وڵاتەکە و هێزی پشتیوانی خێرای سوداندا لەسەر دامەزراندنی ئەندامانی هێزی پشتیوانی خێرا دەستی پێکردووە و تا ئێستاش بەردەوامە.