وەزارەتی ناوخۆی ئێران رایگه‌یاند، پڕۆسەی هه‌ڵبژاردن بۆ سه‌رۆكایه‌تی كۆماری وڵاته‌كه بەهۆی کەمی دەنگی کاندیدەکانەوە ده‌چێته خولی دووەمەوە و هەینی داهاتوو ئەنجامدەدرێت.
وەزارەتى ناوخۆى ئێران رایگەیاند، بەهۆى ئەوەى هیچ یەکێک لە کاندیدەکان نیوە زیاترى دەنگەکانیان بەدەستنەهێنا، هەڵبژاردنى سەرۆکایەتى ئەو وڵاتە چووە خولى دووەم و هەینى داهاتوو لە نێوان مەسعود پزیشکیان و سەعید جەلیلى ئەنجامدەدرێت و یەکێکیان دەبێتە سەرۆک کۆمار.
بەپێى ئەنجامە بەراییەکانی خولی یەکەم، مەسعود پزیشکیان
کاندیدى ریفۆرمخوازەکان پێش رکابەرەکانى کەوتووە و لە ٢٤ ملیۆن دەنگى جیاکراوە، تاوەکو
ئێستا زیاتر لە ١٠ ملیۆن دەنگى بەدەستهێناوە.
هاوکات، لەدواى تەواوبوونى هەڵبژاردنی سەرۆکایەتیی ئێران
لە خولی یەکەم لە کاتژمێر ١٢ی شەوی رابردوو، راستەوخۆ دەستکرا بە جیاکردنەوەى دەنگەکان
و زیاتر لە ٢٤ ملیۆن دەنگ جیاکرایەوە.
مەسعود پزیشکیان کاندیدى ریفۆرمخوازەکان پێش سێ رکابەرەکەى
دیکە لە بەرەى پارێزگاران کەوت و زیاتر لە ١٠ ملیۆن و ٤٠٠ هەزار دەنگى بەدەست هێناوە.