PM:09:05:18/05/2024
1104 جار خوێندراوەتەوە
وەزارەتی کشتوکاڵی عێراق رایگەیاند، حکومەتی عێراق بڕی پێنج ملیاری تەرخانکردووە بۆ کڕینی خۆراکی ئاژەڵ و دابەشکردنی بێبەرامبەر بەسەر بەخێوکەرانی گامێش و ئاژەڵداران لە پارێزگاکانی باشووری عێراق.
ئەمڕۆ شەممە، وەزارەتی کشتوکاڵی عێراق رایگەیاند، بڕیاریانداوە بە دابینکردنی خۆراکی ئاژەڵ بێبەرامبەر بۆ بەخێوکەرانی گامێش و ئاژەڵدارانی دیکە لە پارێزگاکانی باشووری عێراق.
ئاماژەی
بەوەش کرد، حکومەت بڕی پێنج ملیار دیناری تەرخان کردووە بۆ دابینکردنی ئالیک و خۆراکی
ئاژەڵ بۆ بەخێوکەرانی گامێش و ئاژەڵانی دیکە لە ناوچەکانی باشووری عێراق و ناوچە
زۆنگاوەکان.
ئەوەشی
خستە روو، سەرجەم بەخێوکەرانی گامێش و سەرجەم گامێشەکانیش لەو ناوچانە ژمێردراون و
لەلایەن وەزارەتەوە لە چەند رۆژی داهاتوودا دەست دەکرێت بە دابەش کردنی ئەو خۆراکانە
بەسەر ئاژەڵدارەکاندا بێبەرامبەر.
