PM:09:56:22/11/2022
2360 جار خوێندراوەتەوە
کۆنسوڵی گشتی تورکیا لە هەولێر رایگەیاند، تورکیا ئامادەیە هەموو هاریکاری و هاوکاری هەرێم بکات.
ئەمڕۆ سێشەممە، پارێزگای دهۆک راگەیەنراوێکی بڵاوکردەوە و تیایدا هاتووە، عەلی تەتەر پارێزگاری دهۆک مەولود یاقوت کونسوڵی گشتی تورکیا لە هەرێم لە رێگەی پەیوەندییەکی تەلەفۆنییەوە سەرەخۆشی لە پارێزگاری دهۆک کرد بەهۆی گیانلەدەستدانی ژمارەیەک هاوڵاتی و برینداربوونی ژمارەیکی دیکە لە رووداوی ئاگرکەوتنەوە و تەقینەوەی غازی شل لە شاری دهۆک.
راگەیەندراوەی پارێزگای دهۆک ئاماژەی بەوەشدا، کونسوڵی
گشتی تورکیا لە هەولێر ئامادەیی وڵاتەکەیشی بۆ هەر کار و هاریکارییەک نیشانداوە.
ئەمە لەکاتێکدایە، شەوی رابردوو، لە یەکێک لە بەشەناوخۆییەکانی
دهۆک بەهۆی لێچوون لە تانکییەکی غازی شل تەقینەوە روویدا و بەهۆیەوە پێنج کەس گیانیانلەدەستدا
و نزیکەی ٣٠ کەسی دیکە بریندار بوون.
