PM:04:21:16/09/2022
1876 جار خوێندراوەتەوە
بەڕێوەبەرایەتی ئاسایشی سلێمانی رایگەیاند، شەوی رابردوو بە هۆی دەمەقاڵێی نێوان شۆفێرێکی تاکسی و دوو ماتۆڕسوارەوە لە شەقامی سالم شەڕ دروست بووە و تێیدا چەک بەکارهاتووە. دەشڵێت، "هەردوو تاوانبارەکە دەستگیر کراون."
ئەمڕۆ هەینی، بەڕێوەبەرایەتی ئاسایشی سلێمانی راگەیەندراوێکی بڵاوکردەوە و تێیدا هاتووە، شەوی رابردوو بە هۆی دەمەقاڵێی نێوان شۆفێرێکی تاکسی و دوو ماتۆڕسوار لە شەقامی سالم شەڕ دروست بووە و تێیدا چەک بەکارهاتووە.
باس لەوەشکراوە، دوای رووداوەکە هێزەکانی ئاسایش چونەتە شوێنی رووداوەکە
و دەستیان بە لێکۆڵینەوە کردووە و توانیویانە هەردوو تەقەکەرەکە دەستگیر بکەن و دەست
بەسەر چەکەکەشدا بگرن.
ئاماژە بەوەشدراوە، ئەو دوو کەسە لەناو شاری سلێمانیدا پێشینەی کێشە و
نانەوەی پشێویان هەیە و
لە ئێستادا لەسەر فەرمانی دادوەر راگیراون.
