سەرۆک وەزیرانی عێراق رایگەیاند، عێراق بە بارودۆخێکی ئاڵۆزدا تێپەڕ دەبێت و هەوڵ هەیە بۆ دروستکردنی فیتنەی تائیفی لە وڵاتەکەدا.
ئەمڕۆ دووشەممە، مستەفا کازمی سەرۆک وەزیرانی عێراق لەیادی لەدایکبوونی ئیمامی عەلی لە پارێزگای نەجەف رایگەیاند، فرەڕەنگی لە عێراقدا سەرچاوەی هێزە و خاڵی لاوازی نییە.
باسی لەوەشکرد،
لە ئێستادا چەندین قەیران لەسەر ئاستی هەرێمایەتی و ناوخۆی لەسەر گەلی عێراق بوونی
هەیە، وتیشی، "هەندێک کەسیش هەن کە دەیانەوێت روحی ئومێد بمرێنن لەناو وڵاتەکەدا
و لە جێگەی ئەوە دوودڵی و نائارامی و بێ متمانەیی لە دڵی خەڵکیدا دروستبکەن."
راشیگەیاند،
"عێراق بە دۆخێکدا تێپەڕدەبێت کە هەندیک هەوڵ هەیە بۆ دروستکردنی فیتنەی تائیفی
تێیدا."
مستەفا کازمی
باسی لەوەشکرد، لە دۆخێکی وەک ئێستادا دەوری سەرۆک و سەرکردەکانی رۆڵێکی بەرچاوی دەبێت
لەسەر ئارامکردنەوەی دۆخەکە و گەیاندنی نامەی دڵنیای و هیوا بۆ گەلی عێراق و رەتکردنەوەی
فیتنە لە نێوان تاکەکانی وڵاتەکەدا هەرچەندە جیاوازییە سیاسییەکان زۆربن.