وەزارەتی دارایی حکومەتی کاربەڕێکەر لیستی مووچەی مانگی دووی بڵاوکردەوە، بە گوێرەی لیستەکەش، سبەینێ پێنجشەممە دەست بە دابەشکردنی مووچەی خانەنشینانی شارستانی و خاوەن پێداویستی تایبەت و زیندانە سیاسیەکان و بەرکەوتوانی کیمیاباران دابەش دەکرێت.
ئەمڕۆ چوارشەممە ١٢ـی ئازاری ٢٠٢٥، وەزارەتی دارایی و ئابووری حکومەتی کاربەڕێکەر، لیستی مووچەی مانگی دوو(شوبات)ـی مووچەخۆرانی هەرێمی بڵاوکردەوە و تێیدا هاتووە، سبەینێ پێنجشەممە ١٣ـی ئازار دەست بە دابەشکردنی مووچە دەکرێت و رۆژی سێشەممە ١٨ـی ئازار کۆتایی دێت.
هاوکات، بە گوێرەی لیستەکە، سبەینێ پێنجشەممە ١٣
ئازار:
مووچەی خانەنشینی شارستانی و خاوەن پێداویستی
تایبەت، زیندانە سیاسییەکان و بەرکەوتوانی کیمیا باران دابەش دەکرێت.
یەکشەممە ١٦ ئازار:
مووچەی وەزارەتەکانی کەس و کاری شەهیدان و
ئەنفالکراوان دابەش دەکرێت.
دووشەممە ١٧ـی ئازار:
مووچەی وەزارەتەکانی کاروباری شەهیدان و
ئەنفالکراوان و پەروەردە و دارایی و دەستەی دەستپاکی و دەستەی وەبەرهێنان و دەستەی
ژینگە، دەزگای مین و ناوچەکانی دەرەوەی هەرێم و کۆمیسیۆنی باڵای هەڵبژاردنەکان و
دیوانی چاودێری دارایی، مافی مرۆڤ و ئاوادانکردنەوە و نیشتەجێ کردن و تەندروستی،
ناوخۆ.
سێشەممە ١٨ـی ئازار:
مووچەی وەزارەتەکانی کاروباری کۆمەڵایەتی و رۆشنبیری
و لاوان، کارەبا و ئەوقاف و کاروباری ئایینی، خوێندنی باڵا و توێژینەوەی زانستی و
سەرۆکایەتی پەرلەمان و سەرۆکایەتی ئەنجومەنی وەزیران، سەرۆکایەتی هەرێم و پێشمەرگە(دیوان،
لیواکان) و یەکەی ٧٠ و ٨٠ و پۆلیسی دامودەزگا نەوتییەکان، ئەنجومەنی ئاسایش و
دەزگای ئاسایش، هێزی زێرەڤانی و فەرماندەیی بەرگری فریاکەوتن دابەش دەکرێت.