پاش ئەوەی تیمەکانی نەوەی نوێ بەشێک لە خۆڵ و خاشاکەکانی سلێمانییان پاککردەوە، حکومەت هاتە سەر هێڵ بۆ چارەسەرکردنی کێشەکە و بڕیارە سبەینێ کۆمپانیاکانی پاککەرەوە دەستبەکاربکەنەوە.
بەدریە ئیبراهیم پەرلەمانتارى نەوەى نوێ لە پەرلەمانى عێراق بە ئێن ئاڕ تی راگەیاند، بەهۆى ململانێکانى پارتی و یەکێتییەوە پارە بۆ کۆمپانیا خزمەتگوزارییەکان خەرجناکرێت و شارەکە پیس بووە و بەمەش تەنیا هاوڵاتییان تیایدا زیانمەند دەبن.
بەدریە ئیبراهیم
دەشڵێت، "شەرمەزارییە بۆ حکومەتێک نەتوانێت کێشەی خۆڵ و خاشاکى شارێک چارەسەر
نەکات."
هاوکات، سەرپەرشتیاری
یەکێک لە کۆمپانیاکانی پاککەرەوە بە ئێن ئاڕ تی راگەیاند، لەمشەوەوە بەشێک
لە تیمەكانیان دەستیان بە كاركردن كردووەتەوە و لە سبەینێوە سەرجەم كۆمپانیاكانی
پاكکەرەوە كارەكانیان دەستپێدەكەنەوە.
ئاماژەی
بەوەشکردووە، بەڵێنیان پێدراوە پارەکانیان بۆ خەرجبکرێت و کێشەکانیان بۆ چارەسەر
بکرێت.
ئەوەش
لەکاتێکدایە، نزیکەى هەفتەیەکە بەهۆى بایکۆتکردنى کۆمپانیاکانى پاککەرەوە گەڕەک و
شەقامەکانى سلێمانى خۆڵ و خاشاکێکى زۆرى تێدا کۆبووەتەوە.
گۆران لوقمان، ئیحسان سابر - سلێمانی