PM:11:48:03/02/2026
1460 جار خوێندراوەتەوە
بەڕێوەبەرایەتیی کەشناسیی هەرێم دەڵێت، بارانبارنی تاوەکو کاتەکانی سبەی بەیانی بەشێوەی پچڕپچڕ بەردەوامدەبێت و ژووری ئۆپەراسیۆن بۆ بەڕێوەبردنی قەیران و کارەساتیش هۆشداری دەدات.
ئەمڕۆ سێشەممە ٣ـی شوباتی ٢٠٢٦، بەڕێوەبەرایەتیی کەشناسی هەرێم ئاشکرایکرد، ئەمشەو بارانبارینی پچڕپچڕ لە ناوچەکانی باکوور و ناوەراستی هەرێمی کوردستان بەردەوامدەبێت، بەڵام لەناوچەکانی رۆژهەڵاتی هەرێمی کوردستان، گەرمیان و ئیدارەی راپەرین رێژەی بارانبارینی زیاتر دەبێت و کەهەندێ جار هەورە بروسکەی لەگەڵ دەبێت.
ئەوەشی
خستەڕوو، لە دوای نیوەشەوەوە، لە ناوچەکانی رۆژهەڵاتی هەرێم شێوازی بارانبارین
دەگۆڕێت بۆ بەرەبەیان و تاوەکو بەیانی بەمشێوەیە بەردەوامدەبێت، لەگەڵ
دروستبوونی توم لە ناوچە جیاجیاکان.
هاوکات ژووری ئۆپەراسیۆن
بۆ بەڕێوەبردنی قەیران و کارەسات رایگەیاند، ڕۆژانی چوارشەممە و پێنجشەممە، پلەکانی
گەرما نزمتر دەبنەوە و تەمیش زیاد دەکات.
ئاماژەی
بەوەشکردووە، بەو هۆیەوە خەڵک ئاگادار دەکەینەوە خۆیان بپارێزن و ئاگاداری هاتووچۆ
بن.
