پاش ئەوەی شەوی رابردوو چەند بومەلەرزەیەک بەشێک لە شارەکانی هەرێمی گرتەوە، ئەمشەویش چەند بومەلەرزەیەکی دیکە روویاندا.
بەڕێوەبەرایەتی کەشناسی دهۆک رایگەیاند، ئەمشەو بومەلەرزەیەک لە سنوری پارێزگای دهۆک روویداوە و بەشێک لە دانیشتوان هەستییان پێکردووە.
بەڕێوەبەرایەتی کەشناسی دهۆک ئاماژەی بەوەشکردووە، گوڕی
بومەلەرزەکە ٢ پلەی رێختەر بووە و چەقی بومەلەرزەکە قەزای تلکێف بووە.
بەگوێرەی پێگەکانی تایبەت بە روودانی بومەلەرزە، هەر ئەمشەو
لە ناوچەی گەرمیانیش بومەلەرزەیەک بە گوڕی ٣ پلە بە پێوەری رێختەر و بە قوڵی ١١ کیلۆمەتر
روویداوە، کە چەقی بومەلەرزەکە لە گوندی قەڵا تۆبزان نزیک لە ناحیەی باوەنور بووە.
بومەلەرزە؛ رووداوێکی سروشتییە، بەھۆی جوڵانی پلێتەکانی
ژێر زەوییەوە دروستدەبێت و لەسەر ئاستی جیھان چەند چرکەیەک جارێک بومەلەرزە روودەدات،
بەڵام ژمارەیەکی زۆر کەمیان ئەوەندە بەھێزن کە ھەستیان پێبکرێت.
لای خۆشییەوە، ئەژی چەتۆ وتەبێژی کەشناسی و بومەلەرزەزانی
هەرێم دەڵێت، "لە هیچ وڵاتێکدا ناتوانرێت پێشبینی بکرێت بۆ روودانی
بومەلەرزە."
شەوی رابردووش، بومەلەرزەیەک قەزای چەمچەماڵ و شاری سلێمانی
و دەوروبەری هەژاند و لە بەشێکی ناوچەکانی دیکەش هەستی پێکرا.