ئاماژەی بەوەشكرد، ترەمپ ئەم ساتە وەکو دەرفەتێکی بنەڕەتی بۆ سوریایەکی نوێ دەبینێت كە "نەتەوەیەکی یەکگرتوو کە تێیدا هەموو پێکهاتەکان، لەوانە عەرەب، کورد، دروز، مەسیحی، عەلەوی، تورکمان، ئاشووری و ئەوانی دیکە، بە رێز و شکۆوە مامەڵەیان لەگەڵدا بکرێت" و دەرفەتی بەشدارییەکی ماناداریان لە دامەزراوەکانی حکومەت و ئاسایشدا پێبدرێت.

نێردەکەی ترەمپ دەشڵێت، وەک دانپێدانانێک بەم دەرفەتە، ئەو رەزامەندی لەسەر هەڵگرتنی سزاکان دا بۆ ئەوەی "دەرفەتێک بە سوریا بدات" بەرەو پێشەوە بچێت، هەروەها حکومەتی ئەمریكا پێشوازی لە گواستنەوەی مێژوویی سوریا دەکات و پاڵپشتی خۆی بۆ حکومەتی سوریا بە سەرۆکایەتی ئەحمەد ئشەرع دووپاتدەکاتەوە لەکاتێکدا کار بۆ سەقامگیرکردنی وڵات، بنیاتنانەوەی دامەزراوە نیشتمانییەکان و هێنانەدی هیواکانی هەموو سورییەکان بۆ ئاشتی، ئاسایش و خۆشگوزەرانی دەکات.

ئەوەشی خستەڕوو، "ویلایەتە یەکگرتووەکان مێژوویەکی درێژی هەیە لە پشتگیریکردنی هەوڵەکان بۆ تێکشکاندنی داعش و پەرەپێدانی سەقامگیری لە سوریا، لەنێویاندا لە رێگەی ئۆپەراسیۆنی(OIR) و هاوبەشیمان لەگەڵ هێزەکانی سوریای دیموکرات (هەسەدە)، کە قوربانییەکانیان دەورێکی کاریگەریان هەبوە لە بەدەستهێنانی دەستکەوتی بەردەوام دژی تیرۆر".