PM:10:55:11/01/2026
252 جار خوێندراوەتەوە
ئێوارەی ئەمڕۆ بوومەلەرزەیەک بە هێزی ٤،٧ پلەی رێختەر لە سنووری پارێزگای بەسرە، ناوچە سنوورییەکانی نێوان عێراق و ئێرانی هەژاند.
ئەمڕۆ یەکشەممە ١١ـی کانونی دووەمـی ٢٠٢٦، دەستەی گشتیی کەشناسی و بوومەلەرزەزانی عێراق بڵاوی کردووەتەوە، کاتژمێر هەشتی ئێوارە، بوومەلەرزەیەک بە هێزی ٤،٧ پلەی رێختەر، لە سنووری پارێزگای بەسرە تۆمار کراوە و دانیشتووانی پارێزگاکە و ناوچەکانی دەوروبەری، هەستیان بە هێزی بوومەلەرزەکە کردووە.
هەر لە
ڕاگەیەنراوەکەدا هاتووە، بوومەلەرزەکە لە قووڵی ١٠ کیلۆمەتری زەوی و بە دووری ٦٠
کیلۆمەتر لە باکووری رۆژهەڵاتی شاری بەسرە و ناوچە سنوورییەکانی نێوان عێراق -
ئێران تۆمار کراوە، بەڵام هیچ زیانێکی نەبووە.
