AM:08:25:02/01/2022
18412 جار خوێندراوەتەوە
بەڕێوەبەرایەتی کارەبای سلێمانی ئاگاداری خاوەن موەلیدە ئەهلییەکانی ناو شاری سلێمانی دەکاتەوە و دەڵێت، گۆڕانکاری لە بەرنامەی کارپێکردنی موەلیدە ئەهلییەکاندا دەکرێت.
بەڕێوەبەرایەتی گشتی کارەبای سلێمانی ئاگادارییەکی بۆ موەلیدە ئەهلییەکان بڵاوکردەوە و تیایدا هاتووە، "ئاگاداری خاوەن موەلیدە ئەهلییەکانی ناو شاری سلێمانی دەکەینەوە لە ئەمڕۆ یەکشەممەوە بەرنامەی کارپێکردنی موەلیدە ئەهلییەکان وەک پێش پشووەکانی سەری ساڵی لێدێتەوە."
ئاماژەی بەوەشکردووە، "بەیانیان لە کاتژمێر ٦:٣٠ی بەیانی
تا ٨ ی بەیانی کاردەکەن، نیوەڕوانیش لە کاتژمێر ١٢ی نیوەڕۆ تا ١ی شەو کارەبا دەدەن
ئەگەر کارەبای نیشتیمانی کوژایەوە."
ساڵانە، لەکاتی وەرزەکانی سەرما و گەرمادا، بڕی پێدانی
کاتژمێرەکانی کارەبا لەهەرێمی کوردستان بەرەو کەمبوونەوەیەکی بەرچاو دەڕوات و بەتێپەڕبوونی
چەندین کابینەی حکومەتی هەرێم و پاش چەندین بەڵێن بۆ چاککردنی، هێشتا پرۆسەی پێدانی
کارەبای نیشتیمانی بە هاوڵاتییانی هەرێم لە ئاست داواکارییەکانیاندا نییە.
