PM:04:08:31/12/2025
728 جار خوێندراوەتەوە
بەڕێوەبەرایەتی بەنداوەکانی هەرێم دەڵێت، بەهۆی بارانی ئەم دواییانەوە، بەنداوی دەربەندیخان ئاستی ئاوەکەی چوار مەتر و نیو زیادیکردووە و بەڕێوەبەرایەتی بەنداوی دوکانیش دەڵێت، تەنها لەم مانگەدا ئاستی ئاوی بەنداوەکە سێ مەتر و نیو زیادیکردووە.
ئەمڕۆ چوارشەممە ٣١ـی کانونی یەکەمی ٢٠٢٥، بەڕێوەبەرایەتی بەنداوەکانی هەرێم بڵاویکردەوە، ئاستی ئاوی بەنداوی دەربەندیخان بەهۆی شەپۆلی بارانبارینەکانی رابردووەوە چوار مەتر و نیو زیادی کردووە.
وتیشی، لە مانگی ١٢ـی ئەمساڵدا ئاستی ئاوی بەنداوەکە سێ مەتر و نیو
بەرزبووەتەوە و کۆی گشتیی زیادبوونی ئاو گەیشتووەتە ٢٥٠ ملیۆن مەترسێجا و هێشتاش
چوار مانگ ماوە لە وەرزی دابارین و مانگی سێ باشترین وەرزە بۆ گلدانەوەی ئاو.
هاوکات، بەڕێوەبەرایەتی بەنداوەکانی سلێمانیش دەڵێت، سەرجەم پۆند و بەنداوە
بچووکەکانی سنووری سلێمانی سەرڕێژبوونە و نزیکەی ٧٠ ملیۆن مەتر سێجا ئاویان تێدا گلدراوەتەوە.
