PM:08:07:14/11/2025
1260 جار خوێندراوەتەوە
پەیامنێری ئێن ئاڕ تی رایگەیاند، لە رووداوێکی هاتووچۆ کە لە نێوان ئۆتۆمبێلێک و ماتۆڕێک روویداوە سێ کەس برینداربوون و برینی کەسێکیان سەختە.
ئەمڕۆ هەینی ١٤ـی تشرینی دووەمی ٢٠٢٥، پەیامنێری ئێن ئاڕ تی وتی، ئۆتۆمبێلێک خۆی کێشاوە بە ماتۆڕسکیلێکدا و ماتۆڕەکە بووە بە دوو کەرتەوە، سێ کەس لەسەر ماتۆڕەکە بوون و بە وتەی سامان نادر کە بە ئێن ئاڕ تی راگەیاندووە، سێ بریندارەکە پیاوێک و دوو ئافرەت بوون و تەندروستی شۆفێرەکە ناجێگیرە.
سامان نادر
وتیشی، بریندارەکان پیاوێک و دوو ئافرەتی نیپاڵی بوون و دوو ئافرەتەکە تەندروستیان جێگیرە و
گواستراونەتەوە بۆ نەخۆشخانەی شار.
رووداوەکە
بەهۆی پێشبڕکێی نێوان دوو ئۆتۆمبێل بووە و یەکێکیان کۆنتڕۆڵی لەدەستداوە و خۆی
کێشاوە بە ماتۆڕەکەدا.
عەلی ساڵح - سلێمانی
