PM:04:58:09/11/2025
5800 جار خوێندراوەتەوە
پێش نیوەڕۆی ئەمڕۆ لە یەکێک لە سەیرانگاکانى سنوورى شەقڵاوە دوو منداڵ کە خوشک و بران لە مەلەوانگەی باخێک خنکان.
ئەمڕۆ یەکشەممە ٩ـی تشرینی دووەمـی ٢٠٢٥، چاوگێک لە نەخۆشخانەى شەقڵاوە بۆ ئێن ئاڕ تی پشتراستی کردەوە و وتی، "ئەو دوو منداڵە بە نەتەوە عەرەبن و لە یەکێک لە سەیرانگاکان خنکاون".
ئاماژەی
بەوەشکرد، خێزانێکى بەنەتەوە عەرەب بۆ گەشت و سەیران چوونەتە سنوورى شەقڵاوە و
لەوێ لە یەکێک لە باخەکان لایانداوە، لەوکاتەى دایک و باوکەکە چوونەتە ژوورەوە
پشوویەک بدەن، دوو لە منداڵەکانیان کە کوڕێک و کچێکن چوونەتە ناو مەلەوانگەکە و
خنکاون.
ئەو چاوگە باسی
لەوەشکردووە، تەمەنى منداڵەکان شەش و حەوت ساڵن، دواى ئەوەى تەرمەکانیان
گەیەندرایە نەخۆشخانەى شەقڵاوە، گواسترانەوە بۆ پزیشکى دادى هەولێر و توێکارى
پزیشکیان بۆ دەکرێت.
کەریم کەیفی - سۆران
