وەزارەتى خوێندنى باڵای هەرێم، چەند رێنماییەکی بۆ ئەنجامدانی پرۆسەی تاوتوێکردنی ماستەرنامە و تێزی دکتۆرا دەرکرد و دەڵێت، لەمەودوا دەبێت تاوتێکردنەکە بە داخراوی ئەنجام بدرێت.
ئەمڕۆ پێنجشەممە ٢٠ـی شوباتـی ٢٠٢٥، وەزارەتی خوێندنی باڵا و توێژینەوەی زانستی رایگەیاند، لە فەرمانێکى وەزاریدا چەند رێنماییەکی نوێ تایبەت بە ئەنجامدانی پرۆسەی تاوتوێکردنی ماستەرنامە و تێزی دکتۆرا لە زانکۆکانی هەرێمی کوردستان دەرکرا.
لە
رێنماییەکاندا ئەوە هاتووە، پێویستە گفتوگۆی ماستەرنامە و دکتۆرا بە داخراوی ئەنجامبدرێت
و نە کەسوکاری خوێندکار نە هیچ میوانێکی تێدا بەشدار نەبێت، تەنها رێگە بە نوێنەری
خوێندنی باڵا، سەرۆکی زانکۆ و یاریدەدەرەکەی، راگری کۆلێژ، سەرۆک بەش، بەڕێوەبەری
خوێندنی باڵا لە سەرۆکایەتی زانکۆ، بەرپرسی هۆبەری خوێندن و خوێندکارانی خوێندنی
باڵا دەدرێت.
ئاماژەی
بەوەشکردووە، پێویستە سەرۆک و ئەندامانی لیژنەی تاوتوێکردن زمانی توێژینەوەکە
بزانن و بتوانن قسەی پێبکەن و لێی تێبگەن و نابێت سەرپەرشتیار و خوێندکار داوای
مامۆستایەکی دیاریکراو بکەن بۆ سەرۆکی لیژنە.
ئەوەش
هاتووە، پێویستە ئەو کەسەی دەکرێتە سەرۆکی لیژنە، پلەی زانستی لە مامۆستای سەرپەرشتیار
بەرزتر بێت.