PM:05:06:19/02/2025
1472 جار خوێندراوەتەوە
لەسەر خراپ بەکارهێنانی تۆڕە کۆمەڵایەتییەکان لە سۆران دوو کەس بە تۆمەتی هاککردن و خراپ بەکارهێنانی تۆڕە کۆمەڵایەتیەکان دەستگیکرد.
ئەمڕۆ چوارشەممە ١٩ـی شوباتـی ٢٠٢٥، بەرێوەبەرایەتی ئاسایشی هەولێر بڵاویكردەوە، لەسەر سکاڵای هاوڵاتیان و دوای بەدواداچوون وچاودێری کردن ئاسایشی قەزای خەلیفان توانیان دوو تۆمەتبار بە پێی یاسای (٢)ـی خراپ بەکارهێنانی ئامێرەکانی پەیوەندی و تۆڕە کۆمەڵایەتیەکان دەستگیربكەن.
ئاماژەی بەوەشکرد، تۆمەتباران زیاتر لە ٢٠ ئەكاونتیان لە تۆڕە كۆمەڵایەتییەكان هاك كردووە و لە رێگەی سناپ چاتەوە هەڕەشەی
بەكارهێنانی وێنە و ڤیدیۆكانیان لە بەكارهێنەرەكان كردووە ئەگەر بڕی (١٠) هەزار
دۆلاریان پێنەدرێت.
ئەوەشی خستەڕوو، رێکاری یاسایی بەرامبەر
تۆمەتباران گیراوەتەبەر، بۆ ئەو مەبەستەش پەڕاوی لێکۆڵینەوەیان بۆ کراوەتەوە و رووبەڕووی
دادگا کراونەتەوە.
