PM:04:40:19/02/2025
9328 جار خوێندراوەتەوە
کۆبوونەوەی لیژنەی دارایی و دیوانی چاودێری و وەزارەتی دارایی عێراق کە بڕیاربوو ئەمڕۆ ئەنجام بدرێت بۆ یەکلاکردنەوەی پرسی مووچەی مانگی ١٢ـی مووچەخۆرانی هەرێم و چەند پرسێکی دیکە دواخرا.
ئەمڕۆ چوارشەممە ١٩ـی شوباتـی ٢٠٢٥، بریاربوو ئەمڕۆ لیژنەی دارایی پەرلەمانی عێراق و دیوانی چاودێری و وەزارەتی داریی عێراق کۆببنەوە، بەڵام کۆبوونەوەکە تا کاتێکی نادیار دواخرا و بەپێی زانیارییەکانیش دواخستنی کۆبوونەوەکە بەهۆی دەستپێکردنی تەویلی مووچەوە بووە لە عێراق و هەروەها لیژنەی داراییش تا ئێستا زانیاری تەواویان لە بانکی ناوەندی و دیوانی چاودێرییەوە پێنەگەیشتووە بۆ وردبینیکردن تیایاندا.
بڕیاربوو لە کۆبوونەوەکەدا پرسی مووچەی مانگی
١٢ـی مووچەخۆرانی هەرێم و هەروەها چەند پرسێکی دیکە تاوتوێ بکرێت و کۆتا بڕیاری لەسەر
بدرێت. عەتوان عەتوانی، سەرۆکی لیژنەی دارایی پەرلەمانی عێراق رایگەیاند، دوای ئەنجامدانی
کۆبوونەوەکە، راپۆرتی کۆتایی لیژنەکە ئاڕاستەی لایەنە پەیوەندیدارەکان دەکەن.
