وەزارەتی دارایی عێراق رایگەیاند، دەستکرا بە دابینکردنی دارایی مووچەی فەرمانبەرانی دەوڵەت بۆ مانگی دوو (شوبات). ئاماژەی بەوەشکرد، دەنگۆی کورتهێنان و نەبوونی نەختینە بۆ مووچە رەتدەکەینەوە.
ئەمڕۆ دووشەممە ١٨ی شوباتی ٢٠٢٥، وەزارەتی دارایی عێراق بڵاویکردەوە، کە سەرجەم مووچەخۆران مووچەی تەواوی خۆیان لە کاتی خۆیدا وەردەگرن و دەستدەکرێت بە دابەشکردنی مووچەی مانگی دوو.
ئاماژەی
بەوەشکرد، هەموو ئەو دەنگۆیانەی نەبوونی نەختینە و کورتهێنانی بودجە رەتدەکەینەوە.
لەم چوارچێوەیەدا
وەزارەتی دارای عێراق پابەندبوونی تەواوەتی خۆی دووپاتدەکاتەوە بە خەرجکردنی مووچەی
فەرمانبەران و خانەنشینان و ئەوانەی تۆڕی پاراستنی کۆمەڵایەتی دەیگرێتەوە بەپێی
لیستی مووچەی دیاریکراو، بەبێ هیچ دواکەوتن و کەمیی بودجە.
ئەوەشی خستەڕوو، داوا لە قایمقامیەت و قەوارە نەبەستراوەکان بە
وەزارەت دەکرێت نوێنەری رێپێدراوی خۆیان بنێرن بۆ تەواوکردنی مەرجەکانی دارایی
مووچە، لە سبەی چوارشەممەوە دەستپێدەکات.