PM:07:44:15/02/2025
2772 جار خوێندراوەتەوە
پۆلیسی هەولێر دەستگیركردنی گروپی (راوچیی كۆیلەكان)ی راگەیاند، كە ئەو گروپە هەڵساون بە ئەنجامدانی تاوانی ئەلیكترۆنی و هەڕەشەی بڵاوكردنەوەی وێنە و ڤیدیۆیان لە ئافرەتان كردووە.
ئەمڕۆ شەممە ١٥ـی شوباتـی ٢٠٢٥، بەڕێوەبەرایەتیی پۆلیسی پارێزگای هەولێر رایگەیاند، پۆلیسی هەولێر گروپی (راوچیی کۆیلەکان)ی دەستگیر کرد.
ئاماژە بەوەشکرا، ئەم گرووپە هەڵساون بە ئەنجامدانی تاوانی ئەلیکترۆنی
و هەڕەشەی بڵاوکردنەوەی وێنە و ڤیدیۆی نەشیاویان لە ئافرەتان کردووە.
ئەوەش خراوەتەڕوو، تۆمەتباران،
کە یەکێكیان خەڵکی سنووری قەزای سۆرانە و بە هاوکاریی بەڕێوەبەرایەتیی پۆلیسی سۆران
دەستگیر کرا، دانیان نا بە تاوانەکەیاندا، بۆیە دۆسیەی لێکۆڵینەوەیان بۆ کرایەوە و
بە بڕیاری دادوەری لێکۆڵینەوە درانە دادگە.
