AM:10:29:11/02/2025
3464 جار خوێندراوەتەوە
ئەندامێکی لیژنەی دارایی پەرلەمانی عێراق رایگەیاند، هیچ مەترسییەک بۆ مووچەی فەرمانبەران لەئارادا نییە و لە کاتی خۆیدا دابەش دەکرێت.
ئەمڕۆ سێشەممە ١١ی شوباتی ٢٠٢٥، موعین کازمی ئەندامی لیژنەی دارایی پەرلەمانی عێراق لەمیانی لێدوانێکی رۆژنامەوانیدا رایگەیاند، مووچە زامنکراوە و هیچ مەترسییەک لەسەر دواکەوتنی یاخود نەبونی نەختینە نییە.
ئاماژەی بەوەشکرد، مووچەی سەرجەم مانگەکانی داهاتوو زامنکراوە و لە کاتی خۆیدا
دابەشدەکرێت، سەبارەت بەو دەنگۆیانەی دەوترێت کێشە بۆ مووچە دروستدەبێت،
دوورە لە راستییەوە و هیچ بنەمایەکی نییە.
ئەمە لەکاتێکدایە، حکومەتی کاربەڕێکەری هەرێم و حکومەتی عێراق گەیشتنە
رێكکەوتن و حکومەتی عێراق ١٢ مووچەکەی ئەمساڵ لە کات و وادەی خۆییدا دەنێرێت، بەو
مەرجەی حکومەتی کاربەڕێکەر پابەندی ئەو مەرجو یاسایانە بێت کە دانراوە لە ناوەڕۆکی
رێککەوتنەکەدا.
