PM:09:11:24/12/2024
2864 جار خوێندراوەتەوە
بەڕێوەبەرایەتی پۆلیسی هەولێر رایگەیاند، کەسێکیان بە تۆمەتی سیحر و جادوو و فاڵگرتنەوە دەسگیرکردووە.
ئەمڕۆ سێشەممە ٢٤ـی کانونی یەکەمـی ٢٠٢٤، بەڕێوەبەرایەتیی پۆلیسی هەولێر رایگەیاند، هاوڵاتیەکی تەمەن ۳۷ ساڵیان دەستگیرکردووە بە تۆمەتی ئەنجامدانی سیحر و جادوو و فاڵگرتنەوە چەندین کاری تری نەشیاو و هەروەها هەڵخەڵەتاندنی سەدان کەس.
ئاماژەیان بەوەش کرد، تۆمەتبارەکە دانیشتووی
شاری هەولێرە و دوای لێکۆڵینەوە دانی بەوەدا ناوە لەپێناو بەرژەوەندیی ماددی ئەو
کارانەی کردووە بەبێ گوێدانە لایەنی کۆمەڵایەتی و تێکدانی شیرازەی خێزان و لە بەرامبەر
هەر سیحر و جادوویەک لە رێگای کارتی بانکییەوە
پارەی لە هاوڵاتییان وەرگرتووە.
هاوکات پۆلیسی هەولێر ئەوەشیان خستەڕوو، ئەم
کارانە نایاساین و هەر کەسێک کاری لەو شێوەیە ئەنجام بدات، رووبەڕووی یاسا دەکرێتەوە.
