باسی لەوەش کردووە، لە ماوەی مانگێکدا لە باکووری کەرتی غەززە هەزار و ٨٠٠ فەڵەستینی گیانیان لەدەستدا و چوار هەزاری دیکە بریندار بوون و سەدان کەسیش بێسەروشوێن بوون.

ئەوەشی خستە روو، ئیسرائیل لە باکووری غەززە ئەو فەڵەستینیانە بە ئامانج دەگرێت کە نایانەوێت ماڵەکانیان چۆڵ بکەن و بۆردوومانی نەخۆشخانە و ژێرخانی ناوچەکە دەکات.

پێشتر، وەزارەتی تەندروستیی فەڵەستین رایگەیاند، هێرشە ئاسمانییەکانی ئیسرائیل بۆ سەر ناوچەکانی غەززە بەردەوامە و بەپێی دوایین ئامار تا ئێستا زیاتر لە ٤٣ هەزار کەس لە کەرتی غەززە گیانیان لەدەستداوە.

جەنگی غەززە لە ٧ـی ئۆکتۆبەری ساڵی رابردووەوە سەری هەڵداوە و تا ئێستاش درێژەی هەیە، جەنگەکە دوای ئەوە دروستبوو کە بزوتنەوەی حەماس بە پێنج هەزار مووشەک هێرشی کردە سەر ئیسرائیل و لەو کاتەوە بڵێسەی ئاگری جەنگی نێوانیان پەرە دەسەنێت.

لە جەنگی غەززەدا سەرەڕای هەموو زیانەکانی؛ دۆخی تەندروستی لە وڵاتەکەدا بە جۆرێک خراپە، چەندین نەخۆشی و بەتایبەتیش نەخۆشی پێست بڵاوبوونەتەوە و منداڵانیش قوربانی یەکەمی جەنگەکەن.

سەرەڕای هۆشداری وڵاتان و هەوڵەکانیان بۆ راگەیاندنی ئاگربەست و راگرتنی جەنگ، بەڵام هێشتا هیچ ئومێدێک بە راگرتنی جەنگ نییە و هێرشەکانی ئیسرائیل پەلی هاویشتووە بۆ لوبنان و سوریا و ئیرانیش.