PM:03:59:19/10/2024
4160 جار خوێندراوەتەوە
راوێژکارێکی سودانی رایگەیاند، پشکی عێراق لە سندوقی دراوی نێودەوڵەتی زیادی کردووە و لە ئێستادا خاوەنی نزیکەی ١٥٠ تۆن یەدەگی زێڕە.
ئەمڕۆ شەممە، مەزهەر محەمەد ساڵح راوێژکاری دارایی سەرۆک وەزیرانی عێراق رایگەیاند، لە ئێستادا عێراق خاوەنی نزیکەی ١٥٠ تۆن یەدەگی زێڕە و پابەندە بە گرتنەبەری هەر رێکارێکی پێویست بۆ پاراستنی یەدەگی زێڕ.
ئاماژەی بەوەش کرد، زێڕ ئامڕازێکی گرنگە بۆ پاڵپشتیکردنی بەهای دینار
و گەیشتن بە سەقامگیریی ئابووری و بەرزکردنەوەی متمانەی وەبەرهێنەران بە ئابووریی
عێراق.
ئەوەش لەکاتێکدایە، لە ماوەی رابردوودا ئەنجومەنی وەزیران رەزامەندی
دەربڕی لەسەر زیادکردنی پشکی عێراق لە سندوقی دراوی نێودەوڵەتی بەڕێژەی ٥٠٪ بەراورد
بە پشکی پێشوو.
