بەرپرسێکی باڵای حکومەتی کاربەڕێکەر دانی بەوەدانا کە ٩٥٥ ملیار دینار زیاتر پارەیان لەبەردەستە بەڵام تا ئێستا خشتەی مووچەی مانگی نۆیان رانەگەیاندووە.
بەغدا پارەی مووچەی ناردووە و حکومەتی کاربەڕێکەر بە بڕیاری هاوبەشی پارتی و یەکێتی دەستی بەسەرداگرتووە و بۆ مووچە دابەشی ناکات.
حکومەتی کاربەڕێکەر
بە بڕیاری پارتی و یەکێتی بەنیازە کۆتایی ئەم هەفتەیە و نزیکی رۆژی دەنگدان دەست بە
دابەشکردنی مووچەی مانگی نۆی مووچەخۆران بکات.
سەرەڕای ئەوەش، حکومەتە کاربەڕێکەرەکەی پارتی و یەکێتی دەستی بەسەر مووچەی
وانەبێژانیشدا گرتووە و ئامادە نییە دابەشی بکات.
پێشتریش وەزارەتی دارایی عێراق بە ئێن ئاڕ تی راگەیاند، کۆتایی بە
تەمویلى مووچەى مانگى نۆی هەرێم هاتووە و پارەی تەواویان بۆ مووچەى سەرجەم
مانگەکانی دیکەش ناردووە، بەڵام هەرێم داوای ٢٥٠ ملیار دیناری زیادە دەکات بۆ
مووچە.