بەبانکیکردنی مووچەى هەرێم کە بە بڕیارێک لە رۆژى ٢١ـی شوباتى ئەمساڵ لەلایەن دادگاى فیدڕاڵییەوە دەرچوو، چوار مانگ پێشتر شاسوار عەبدولواحید سەرۆکى جوڵانەوەى نەوەى نوێ، لە رێگەى پڕۆژەیەکەوە و بە واژۆى ١١٩ پەرلەمانتار داى بە سودانى و ئەویش پەسەندى کرد، بەوەش نەوەى نوێ ئەندازیارى پڕۆژەی بەبانکیکردنی مووچەى مووچەخۆرانە لە بەغداوە.

نەوەی نوێ تەنها هێزە لەم هەڵبژاردنە لەبری جبێو و هات و هاوار، بەرنامە و پلانی پێیە بۆ ئاوەدانکردنەوەی کوردستان و جوڵەی ئابووری و نەهێشتنی بێبازاڕی و بێکاری و چارەسەری کێشەکان. نەوەی نوێ دەشڵێت، لە ئەگەری بوون بە هێزی یەکەم، یەکەم کاریان مووچەی مووچەخۆران لە بانکەکانی عێراق بەبانکی دەکەن و لەگەڵ بەغدا رێک دەکەون.

بەبانکیکردنی مووچە، بێجگە لەوەى مووچەى فەرمانبەرانى هەرێم هاوشێوەى بەغدا دەکاتەوە بە مانگانە، مووچەخۆران سوودمەند دەبن لە پێشینەکانى خانووبەرە و هاوسەگیرى و دەیان ئیمتیازى دیکە، نەوەی نوێش لە حاڵەتى هێنانى زۆرترین دەنگدا یەکەم کاریان بەبانکیکردنى مووچەیە بۆ ئەوەى چیتر مووچەخۆرانى هەرێم چاویان لە هاتن و نەهاتى مووچە نەمێنێت و بۆ هەمیشە قوتى خۆیان و ماڵ و منداڵیان دابین بکرێت و لەدەست ئەو دوو حزبە بەیەکجاری دەربهێنرێت.