سندوقی گەشەپێدانی عێراق رایگەیاند، لەماوەى کەمتر لە مانگێکدا دەست دەکەن بە دروستکردنی ٤٠٠ قوتابخانەی نوێ لە عێراق.
محەمەد نەجاڕ بەڕێوەبەری جێبەجێکاری سندوقی گەشەپێدانی عێراق بە ئاژانسى هەواڵى عێراقی راگەیاند، لە دواین کۆبوونەوەیاندا بڕیاریانداوە بە دروستکردنی ٤٠٠ قوتابخانەی نوێ لە ماوەی مانگێکدا بەپێی ستانداردی نێودەوڵەتی .
ئاماژەی بەوەش
کرد، ئەو قوتابخانانەی دروستدەکرێن بۆ ماوەی ١٠ ساڵ لە وەبەرهێنەرەکەی بە کرێ دەگیرێن
دواتر دەگەڕێندرێتەوە بۆ حکومەت.
باسی لەوەش
کرد، دەتوانن ١٠ قوتابخانە دروستبکەن لە ماوەیەکی کەم و لە یەک کاتدا، لەکاتێکدا پێشتر
دەتوانرا یەک قوتابخانە دروست بکرێت.
ئەوەشی خستە
روو، ئەم بڕیارە هەنگاوێکی گەورە دەبێت بۆ دابینکردنى قوتابخانە و رەخساندنى هەلی
کار و زیادکردنى خواست لەسەر کەرەستەی خاو، هەروەها کەرتی تایبەت دەکاتە بەشێکی جەوهەری
لەگەڵ حکومەت لە جێبەجێکردنی پڕۆژە ستراتیژییەکان.