PM:10:40:16/09/2024
5736 جار خوێندراوەتەوە
لەکاتێکدا ٤٥ ڕۆژ تێپەڕیوە و مووچەخۆرانی هەرێم مووچەی مانگی هەشتیان وەرنەگرتووە مەسرور بارزانی کەناڵێکی نوێی کردەوە بە بودجە و تێچوویەکی زەبەلاح لەسەر حسابی خەڵکی هەرێم و موچەخۆران.
لەکاتێکدا ٤٥ ڕۆژ تێپەڕیوە و مووچەخۆرانی هەرێم مووچەی مانگی هەشتیان وەرنەگرتووە و حکومەتی کاربەڕێکەریش بەردەوام وادەی ناردنی لیستی مووچە بۆ بەغدا دوادەخات، بەپێی زانیارییەکان کەناڵە نوێکەی مەسرور بارزانی ١٠٠ ملیۆن دۆلار لە دامەزراندنیدا خەرجکراوە و بودجەی مانگانەشی چەندین ملیۆن دۆلارە.
کردنەوەی ئەم کەناڵە نوێیە لەکاتێکدایە، کە
موچەخۆران هێشتا موچەی مانگی هەشتیان وەرنەگرتووە و ناوەڕاستی مانگی نۆش تێپەریوە،
بەڵام حکومەتە کاربەڕێکەرەکەی مەسرور بارزانی نە لیستێکی دروستی مووچە ئامادەدەکات،
نە ئامادەشە لە داهاتی ناوخۆ و نەوتی قاچاخ بۆ مووچە خەرج بکات و لەگەڵ یەکێتی بە
هاوبەشی داهاتی هەرێم تەخشان و پەخشان دەکەن.
نەک هەر ئەمەش تەنانەت پێش وادەی هەڵبژاردنیش
لە خەڵک بێمنەتن و پارەی خەڵک لە دروستکردنی کەناڵەکانی خۆیاندا خەرج دەکەن، سەرباری
ئەوەی مەسرور بارزانی چەندین کەناڵ و دامەزراوەی میدیایی دیکەی هەیە کە لەسەر حسابی
داهاتی خەڵک کراونەتەوە، بەڵام وا کەناڵە نوێکەشی چووە سەر کە زۆرترین داهات و
بودجەی بۆ تەرخانکراوە، وەک ئەوەی سوێندیان خواردبێت داهات و بودجەی خەڵک تەنها بۆ
مووچە و خزمەتی خەڵک خەرج نەکەن، ئەگینا بۆ کەناڵ وپڕۆژە و خەرجییەکانی خۆیان بەردەوام
دەستیان لەناو خەزێنەکەدایە.
