وەزارەتی وزەی ئۆکرانیا بڵاوی کردەوە، دامەزراوەیەکی وزە لە شاری خارکوڤ بۆردومان کراوە و بەوهۆیەوە زیان بەر دامەزراوەکە گەیشتووە.
ئەمڕۆ یەکشەممە، وەزارەتی وزەی ئۆکرانیا بڵاوی کردەوە، یەکێک لە دامەزراوەکانی وزە لە شاری خارکوڤ لەلایەن روسیاوە بۆردومان کراوە و زیانی پێگەیشتووە.
رۆژی هەینیش، کۆمپانیای کارەبای ئۆکراینیرگۆ لە ئۆکرانیا ئاماژەی بەوە
کرد، لە کیێڤی پایتەخت و زۆربەی پارێزگاکانی
وڵاتەکە هێڵەکانی کارەبا پچڕاون لە ئەنجامی بۆردومانی بەردەوامی روسیا بۆ سەر وێستگە
و یەکەکانی کارەبا.
پێشتریش گێرمان گالوشینکۆ وەزیری وزەی ئۆکرانیا باسی لەوە کرد، زستانی
داهاتوو قورسترین زستان دەبێت لە مێژووی ئۆکرانیادا.
ئەوەش لەکاتێکدایە، هێزی ئاسمانی روسیا بەردەوامە لە وێرانکردنی ژێرخان و رێگاکانی
گواستنەوە و هێڵی ئاسن بەتایبەتی لە رۆژئاوای ئۆکرانیا کە هێزەکانی کیێڤ بەکاریدەهێنن
بۆ وەرگرتنی چەک لە هاوپەیمانەکانیان لە ناتۆ لە رێگەی رۆمانیا و پۆڵەندا.