کۆمپانیای دى ئێن ئۆی نەرویجی بڕى داهات و قازانجى لە چارەکى دووەمى ئەمساڵدا لە کەرتى نەوتى هەرێم بڵاو کردەوە و ئاماژەی بەوە کردووە، ٣٥ ملیۆن دۆلار قازانجیان لە فرۆشتنی نەوتی هەرێم کردووە.
کۆمپانیای دى ئێن ئۆی نەرویجی بڵاوی کردەوە، بەهۆی بەرهەمهێنانى نەوت، قازانج و داهاتى کۆمپانیاکەیان لە چارەکى دووەمى ئەمساڵدا لە کێڵگەکانى فیشخابور و تاوکێ لە هەرێمی کوردستان ٣٥ ملیۆن دۆلار بووە.
ئاماژە بەوەش کراوە، بە تێکڕا، رۆژانە ٧٩ هەزارو ٧٨٣ بەرمیل نەوتیان بەرهەم
هێناوە، کە بەراورد بە چارەکی یەکەمی ئەمساڵ، بەرهەمى نەوتى کۆمپانیاکە بەڕێژەی ٥٪
زیادی کردووە.
ئەوەش خراوەتە روو، لە کێڵگەى فیشخابور رۆژانە ٤٩ هەزار و ٩٩ بەرمیل نەوت
بەرهەمیان هەبووە، هەروەها لە کێڵگەى تاوکێ، بەرهەمی رۆژانەیان ٣٠ هەزار و ٦٨٤ بەرمیل
نەوت بووە.
کۆمپانیاى دى ئێن ئۆ باسی لەوەش کردوە، یەک بەرمیل نەوتى لەو دوو کێڵگەیە
لە سەروو ٣٠ دۆلارەوە بە بازرگانانى ناوخۆ فرۆشتووە.