PM:03:45:03/08/2024
836 جار خوێندراوەتەوە
دەستەی ئاماری تورکیا رایگەیاند، لە مانگی حوزەیرانی رابردوودا، عێراق پێنجەم هاوردەکاری کاڵای تورکیا بووە، بەوپێیەی بە بەهای ٨٥٣ ملیۆن دۆلار کاڵا و شتومەکی لە تورکیاوە هاوردە کردووە.
دەستەی ئاماری تورکیا لە راپۆرتێکدا ئاماژەی بەوە کردووە، کۆی هەناردەی کاڵا و شتومەکی تورکیا لە ماوەی مانگی حوزەیرانی رابردوودا ١٩ ملیار و ٤٩ ملیۆن دۆلار بووە، بەراورد بە هەمان ماوەی ساڵی رابردوو ئاستی هەناردەکردن ٨.٣٪ دابەزیوە.
باس لەوەش کراوە، هەر لەو مانگەدا، تێکڕای هاوردەکردن بۆ ئەو وڵاتە گەیشتووەتە
٢٤ ملیار و ٩٢٠ ملیۆن دۆلار کە بەراورد بە هەمان مانگی ساڵی ٢٠٢٣، بەڕێژەی ٤.٤٪ کەمی
کردووە.
ئەوەشی خراوەتە روو، ئەڵمانیا لە پلەی یەکەمی ئەو وڵاتانەیە کە لە مانگی
حوزەیرانی رابردوودا زۆرترین کاڵا و شتومەکی لە تورکیاوە هاوردە کردووە، دوای ئەو
ئەمریکا بە پلەی دووەم و ئیمارات بە پلەی سێیەم، دواتر ئیتاڵیا بە پلەی چوارەم و عێراقیش
بە پلەی پێنجەم دێت.
