PM:02:06:03/08/2024
796 جار خوێندراوەتەوە
سەرۆکی کۆمەڵەی هەناردەکارانی سەوزە و میوە لە دەریای ناوەڕاست رایگەیاند، لە ماوەی شەش مانگی سەرەتای ئەمساڵدا عێراق بە بەهای ١٩٩ ملیۆن و ٨٠٠ هەزار دۆلار میوە و سەوزەی لە تورکیاوە هاوردە کردووە و بەمەش رێژەی هاوردە لەلایەن عێراقەوە بەڕێژەی ٣٠٣٪ زیادی کردووە.
فێرهات گوروز سەرۆکی کۆمەڵەی هەناردەکارانی سەوزە و میوە لە دەریای ناوەڕاست رایگەیاند، لە شەش مانگی یەکەمی ئەمساڵدا تورکیا بە بەهای ٤٣٦ ملیۆن و ٦٠٠ هەزار دۆلار میوە و سەوزەی بۆ روسیا هەناردە کردووە.
ئاماژەی بەوەش
کرد، لە دوای روسیا عێراق بە دووەم گەورەترین هاوردەکاری میوەی تورکیا دادەنرێت بەوپێیەی
لە شەش مانگی سەرەتای ئەمساڵدا بەبەهای ١٩٩ ملیۆن و ٨٠٠ هەزار دۆلار میوە و سەوزەی
لە تورکیاوە هاوردە کردووە.
باسی لەوەش کرد،
لە ماوەی ئەو شەش مانگەدا هەناردەی میوە و سەوزە لە تورکیاوە بۆ عێراق بەڕێژەی
٣٠٣٪ زیادەی کردووە.
