دەستەی کەشناسیی عێراق رایگەیاند، شەپۆلێکی تۆز و خۆڵ روو لە عێراق دەکات و پلەکانی گەرما بەرز دەبنەوە.
ئەمڕۆ پێنجشەممە، دەستەی کەشناسیی عێراق لە راگەیاندراوێکدا ئاماژەی بەوە کردووە، سبەی هەینی، ئاسمان ساماڵ دەبێت لەگەڵ بەرزبوونەوەی تۆز و خۆڵ لە هەندێک شوێن، پلەکانی گەرماش هاوشێوەی ئەمڕۆ دەبن.
کەشناسی راشێگەیاندووە،
رۆژی دووشەممە لە هەرێم و ناوەڕاستی عێراق پلەکانی گەرما بەرز دەبنەوە و ئاسمان
ساماڵ دەبێت.
هاوکات، بەڕێوەبەرایەتیی
گشتیی کەشناسی و بومەلەرزەزانیی هەرێم بڵاوی کردەوە، لە ئەمڕۆدا ئاسمانی ناوچەکانی
هەرێم ساماڵ دەبێت و پلەکانی گەرما نزیک دەبنەوە لە تۆمارەکانی دوێنێ.
ئاماژە بەوەش کراوە،
سبەی هەینی ئاسمان ساماڵ دەبێت لەگەڵ بوونی تۆزێکی کەم و پلەکانی گەرما نزیک دەبنەوە
لە تۆمارەکانی ئەمڕۆ.
هاوکات ئەمڕۆ، بەڕێوەبەرایەتیی
کەشناسی سلێمانی بڵاوی کردەوە، لە مانگی رابردوودا بەرزترین پلەی گەرما ٤٢.٩ پلە
بووە و نزمترینیش ٢٤ پلە بووە. دەشڵێت، بە تێكڕا لە مانگی رابردوودا پلەکانی گەرما
لە ئاستی ٣٠ ساڵی رابردوودا بووە.
بەرزترین پلەکانی گەرمای
پێشبینیکراوی ئەمڕۆ بە پلەی سیلیزی :
هەولێر : ٤٣
سلێمانی : ٤٠
دهۆک : ٤٠
کەرکوک : ٤٤
هەڵەبجە : ٤٢
زاخۆ :٤١
سۆران : ٣٩
حاجی ئۆمەران : ٢٩
گەرمیان : ٤٥