ئەوە لەکاتێکدایە پێشتر داهاتی نانەوتی عێراق تەنها لە ٧٪ داهاتی عێراقی پێکدەهێنا، بەڵام لە چوارچێوەی پلانی حکومەتی عێراق بۆ زیادکردنی داهاتی نانەوتی داهاتی نانەوتی زیادیکردوە.

پێشتریش حکومەتی عێراق رایگەیاند، بۆ رەخساندنى هەلى کاری زیاتر لە کەرتى تایبەتدا و بەرەوپێشبردنى زیاتری ئەو کەرتە، چەندین ڕێککەوتننامەی لەگەڵ بانک و دامەزراوە داراییەکانى چەند وڵاتێک واژۆکردوە لەوانە، ڕێککەوتن لەگەڵ چەند دامەزراوەیەکى ئیتالی بۆپێدانی قەرز بۆ پێشخستنی کەرتی تایبەت بەبڕی زیاتر لە یەک ملیار یۆرۆ، هەروەها ڕێککەوتن لەگەڵ بانکە ژاپۆنییەکان بۆ وەرگرتنی ٢٠٠ ملیۆن دۆلار قەرز ، ئەوەش بۆ دابینکردنى پارەى پێویست بۆ دامەزراندنى چەندین کارگەى گەورە لەلایەن کەرتى تایبەتەوە لە بوارەکانى دەرمان و خۆراک و کشتوکاڵ و چەند بوارێکى تر.

لە ئیستادا زۆرینەى ئەو وڵاتانەى کە بەشێوەیەکى سەرەکى پشت بە فرۆشتنى نەوت و غاز دەبەستن بۆ دابینکردنى بودجەى وڵات، روویان لە برەودان بە گەشەى داهاتە نانەوتییەکانیان کردووە لەوانەش وڵاتانى کەنداو، ئەوەش بۆ خۆپاراستن لە ناجێگیریى نرخى نەوت و غاز و رەخساندنى هەلى کاری زیاتر بۆ دەستى کارى ناوخۆیی.