چاوگێکی ئاگادار لە بالیسان بە ئێن ئاڕ تی راگەیاند، شەوی رابردوو بەهۆی دروستبوونی دەمەقاڵێوە لەنێوان کوڕ و باوکێکدا، تەقە کرا و بەهۆیەوە کەسێک کوژرا و دوو کەسی دیکە بریندار بوون.
ئەو چاوگە ئاماژەی بەوەکرد، رووداوەکە بەهۆی کێشەی کۆمەڵایەتییەوە روویداوە و هۆکارەکەی و کێشەکە ماوەی چەند ساڵێکە لەنێوان کوڕ و باوکەکەدا هەیە.
باسی لەوەشکرد،
مامێکی کوڕەکە ویستوویەتی کۆتایی بەو کێشەیەی نێوان ئەو باوک و کوڕە بهێنێت و
پێکیانبهێنێتەوە، ناسیاوێکی دیکەی خۆشیان لە شوێنەکەدا بووە کە دراوسێشیانە.
وتیشی، شەوی
رابردوو لەو ساتەی گفتوگۆیان لەسەر ئەو بابەتە کردووە، لە نزیک کاتژمێر ١٠:٣٠
شەودا دەمەقاڵێی نێوان باوک و کوڕەکە توندتر بووە و بەهۆیەوە تەقەکراوە، لە
رووداوەکەدا باوکەکە گیانی لەدەستداوە و مام و ئەو ناسیاوەی دیکەشیان بریندار
بوون.
ئەو چاوگە
ئەوەشی خستەڕوو، لە ئێستادا کوڕەکە هەڵهاتووە و هێزەئەمنییەکان بە دوایەوەن.
کەریم کەیفی، سۆران