پەیامنێری ئێن ئاڕ تی رایگەیاند، لەڕێگەی فڕۆکەی جەنگییەوە، بە چڕی کوێستانەکانی لۆلان و رۆبی و رواڵ لە سنووری برادۆست بۆردوومان دەکرێن. دەشڵێت، " هێشتا ئەو ئاگرەی کە بەهۆی بۆردوومانەکانی دوێنێوە لە چیای بەشکەن لە برادۆست کەوتووەتەوە نەکوژاوەتەوە".
پەیامنێری ئێن ئاڕ تی رایگەیاند، لە ئێستادا کوێستانەکانی لۆلان و رۆبی و رواڵ لە سنووری برادۆست لەڕێگەی فڕۆکەی جەنگییەوە بۆردوومان دەکرێن.
ئاماژەی بەوەش
کرد، بۆردوومانەکان ئەوەندە چڕن لە سەنتەری قەزای سیدەکان دەنگەکەی دەبیسترێت و رووناکییەکەی
دەبینرێت.
باسی لەوەش
کرد، بەهۆی بۆردوومانەکانی دوێنێ چوارشەممەوە، هێشتا ئەو ئاگرەی لە چیای بەشکەن لە برادۆست کەوتووەتەوە، نەکوژاوەتەوە.
ئەوەشی خستە
روو، تا ئێستا زیانە گیانی و ماددییەکان بەهۆی بۆردوومانەکانەوە نەزانراون.
ئەوەش
لەکاتێکدایە، دوێنێ چوارشەممە، چەند جارێک کوێستانەکانی شەکێو و لۆلان لە سنووری
برادۆست لەڕێگەی فڕۆکەی جەنگییەوە بە چڕی بۆردوومان کران و بەهۆیەوە ئاگر لەو
ناوچانە کەوتەوە.
کۆتایی هەفتەی
رابردووش، گوندی لۆلان لە سنووری برادۆست بۆردوومان کرا و بەهۆی بۆردوومانەکەوە
دوو کەس بریندار بوون کە برینی یەکێکیان سەخت بوو.
کەریم کەیفی - سۆران