لە خستنەڕووی ئەمڕۆدا، بانکی ناوەندیی عێراق بە تێکڕا زیاتر لە ٢٧٠ ملیۆن دۆلاری بە شێوەی کاش و حەواڵەی دەرەکی فرۆشتووە، لە نیوەڕۆی ئەمڕۆشدا لە بازاڕی دراوەکانی هەرێم، ١٠٠ دۆلار بە ١٤٨ هەزار و ٨٠٠ دینار مامەڵەی پێوە کرا، بەوەش بەراورد بە کاتی داخستنی بازاڕ لە رۆژی رابردوودا ، نرخی ١٠٠ دۆلار ٤٥٠ دینار دابەزی.
ئەمڕۆ دووشەممە، بانکی ناوەندیی عێراق لە سەکۆی ئەلیکترۆنی خستنەڕووی دراوەکانەوە رایگەیاند، بە تێکڕا ٢٧٠ ملیۆن و ٦٢٦ هەزار و ٣٧ دۆلاری بە نرخی فەرمی بانکەکە فرۆشتووە.
ئاماژە بەوەش
کراوە، لەو رێژەیە بڕی ١٨ ملیۆن و ٣٠٢ هەزار دۆلاری بەشێوەی کاش بووە و ٢٥٢ ملیۆن
و ٣٢٤ هەزار و ٣٧ دۆلاری بەشێوەی حەواڵەی دەرەکی بووە.
لە نیوەڕۆی
ئەمڕۆدا لە بازاڕی دراوەکانی هەرێم ١٠٠ دۆلار بە ١٤٨ هەزار و ٨٠٠ دینار مامەڵەی پێوە
کرا و بەراورد بە کاتی داخستنی بازاڕ لە رۆژی رابردوودا، ٤٥٠ دینار لە نرخی هەر
١٠٠ دۆلارێک دابەزی.
ئەوەش لەکاتێکدایە،
ماوەی چەند هەفتەیەکە نرخی دۆلار لە بازاڕەکانی هەرێم و عێراقیش ناجێگیرە و بەردەوام
بەرز و نزم دەکات.