بانکی ناوەندی عێراق رایگەیاند، لە ماوەی مانگێکدا زیاتر لە چوار ملیار دۆلاری بەشێوەى نەختینە و حەواڵە بە نرخى فەرمی فرۆشتووە.
بانکی ناوەندی عێراق لە راگەیاندراوێکدا بڵاویکردەوە، لە
مانگی شەشدا زیاتر لە چوار ملیار و ٤٣٨ملیۆن دۆلاریان بە شێوەی کاش و حەواڵە
فرۆشتووە کە تێکڕای رۆژانە دەکاتە زیاتر لە ٢٩٥ ملیۆن دۆلار.
لە ڕاگەیەندراوەکەدا
ئاماژە بەوەشکراوە، فرۆشی حەواڵەی دەرەکی لە مانگی ڕابردوودا چوار ملیار و ٥٠
ملیۆن دۆلار بووە، هاوکات بڕی ٣٨٨ ملیۆن دۆلاریش بەشێوەى نەختینە بە هاوڵاتیان و
بازرگانان فرشتووە.
لە
چەند رۆژى رابردووشدا بانکی ناوەندی رایگەیاند، لە سەرجەم فرۆکەخانەکان بە
فڕۆکەخانەکانى هەولێر و سلێمانیشەوە دۆلار بە نرخى فەرمى لەرێگەی پەنجەرەی بانکە
فەرمی و نوسینگە رێگە پێدراوەکانەوە بە گەشتیاران دەفرۆشرێت.