بانکی ناوەندیی عێراق بڵاوی کردەوە، بۆ ئەمڕۆ زیاتر لە ٢٧٣ ملیۆن دۆلاریان بە شێوەی کاش و حەواڵە بە گەشتیاران و بازرگانان فرۆشتووە. لە بازاڕەکانی هەرێمیش، لە ئێستادا ١٠٠ دۆلار بە ١٤٧ هەزار دینار مامەڵەی پێوە دەکرێت.
ئەمڕۆ یەکشەممە، بانکی ناوەندیی عێراق لە سەکۆی خستنەڕووی فرۆشی دۆلار بڵاوی کردەوە، ٢٧٣ ملیۆن و ٢٤٤ هەزار و ٣٣٠ دۆلاریان بە بازرگانان و گەشتیاران فرۆشتووە.
ئاماژە بەوەش کراوە، لەو بڕە، ٢٥٠ ملیۆن و ٢٧٤
هەزار و ٣٣٠ دۆلاری بە شێوەی حەواڵە بووە و ٢٢ ملیۆن و ٩٧٠ هەزار دۆلاری بە شێوەی
کاش بووە.
هاوکات، لە بازاڕی دراوەکانی هەرێم، لە ئێستادا
١٠٠ دۆلار بەرامبەر بە ١٤٧ هەزار دینار مامەڵەی پێوە دەکرێت و بەراورد بە کاتی
کردنەوەی بازاڕەکان لەمڕۆدا، نرخەکەی بە جێگیری ماوەتەوە.
ئەوەش لە کاتێکدایە، بانکی ناوەندیی عێراق، لە هەفتەی یەکەمی ئەم مانگەدا، ملیارێک و ٣٨٠ ملیۆن
و ٦٠٣ هەزار و ٩٩٠ دۆلاری بە بازرگانان و گەشتیاران فرۆشتووە، بەڵام، لە هەفتەی
دووەمدا، فرۆشی دۆلار کەمی کردووە و بانکەکە ملیارێک و ٣٧٨ ملیۆن و ٨٨٥ هەزار و
٤٠٧ دۆلاری فرۆشتووە، بەڵام فرۆشی دۆلاری کاش زیادی کردووە.