سەردێڕ:

مەسرور بارزانی: هیوادارم جەژن ببێتە مایەی باشتربوونی دۆخی دارایی و گوزەرانی خەڵک

PM:11:40:15/06/2024

1336 جار خوێندراوەتەوە

سەرۆکی حکومەتی کاربەڕێکەری هەرێم رایگەیاند، جەژنی قوربان لە تەواوی موسڵمانان لە هەرێم و عێراق و جیهان پیرۆز دەکەن و هیوادارن جەژن ببێتە مایەی شادی و خۆشگوزەرانی و باشتربوونی دۆخی دارایی و گوزەرانی خەڵک.


ئەمڕۆ شەممە، مەسرور بارزانی سەرۆکی حکومەتی کاربەڕێکەری هەرێم رایگەیاند، بەبۆنەی هاتنی جەژنی قوربانەوە پیرۆزبایی ئاراستەی هەموو موسڵمانانی هەرێمی کوردستان و عێراق و جیهان دەکەن.

ئاماژەی بەوەش کرد، هیوادارن سەرجەم هاوڵاتییانی هەرێمی کوردستان رۆژانی جەژن و پشوو لە کەشێکی ئارام و سەلامەتدا بەسەر ببەن.

باسی لەوەش کرد، ئومێدەوارن جەژن ببێتە مایەی شادی و خۆشگوزەرانی و باشتربوونی دۆخی دارایی و گوزەرانی خەڵک.

هاوکات، نێچیرڤان بارزانی رایگەیاند، جەژنی قوربان لە تەواوی موسڵمانان پیرۆز دەکەن و هیوادارن جەژنی قوربان خێر و کامەرانی بێت و بۆ هەموو لایەک و ئارامی و ئاسودەیی لەگەڵ خۆیدا بهێنێت.

باسی لەوەش کرد، لە رۆژانی جەژندا هیوای سەلامەتی و پشوویەکی خۆش بۆ هەموو لایەک دەخوازن.













گەلەری