PM:12:14:15/06/2024
1032 جار خوێندراوەتەوە
لە بازاڕەکانی هەرێم، لەماوەی ١٠ ساڵدا نزیکەی ١٠ هەزار دینار لە نرخی کیلۆیەک گۆشتی سور بەرزبووەتەوە، یەکێک لە هۆکاری بەرزبوونەوەى نرخەکە، ئەوەیە کە جگە لە گومرگى سەر سنور تەنانەت لەنێو شارەکانیشدا گومرگى ئاژەڵ دەکرێت.
ئەو بەرزبوونەوەیە لە نرخدا گۆشتفرۆشانی هەراسانکردووە و خۆیان دەڵێن بەهۆی بەرزی نرخەکەیەوە خەڵکیی کەمتر ڕوو لە کرینی گۆشت دەکەن و بەوەش کاسبکارەکان رووبەرووی زیان بوونەتەوە.
لە ئێستادا نرخی کیلۆیەک گۆشتی سور لە بازاڕەکانی سلێمانی لە نێوان ٢٢ تاوەکو ٢٤ هەزار دینارە لە کاتێکدا ١٠ ساڵ بەر
لە ئێشتا ١٢ بۆ ١٤ هەزار دینار بوو.
هاوڵاتیانیش ئەم نرخەی ئێستا بەلایانەوە بەرزەو باس لەوە دەکەن وەک پێویست
خێزانەکان ناتوانن کە پێداویستی سەر سفرەکانیان بە گۆشتی سور پڕ بکەنەوە.
ئەم بەرزبوونەوەیەی نرخی گۆشتی سور لەکاتێکدایە ، هێشتا هەرێمی کوردسان نەیتوانیوە
نیوەی زیاتری پێداوسیتی ناوخۆ پڕ بکاتەوەو پێویستی ساڵانەی گۆشتی سوریش ٨٨ هەزار تۆنە
و ٤٠ هەزار تۆنیشی هاوردەیە.
